Indietro

ⓘ Vitis vinifera




Vitis vinifera
                                     

ⓘ Vitis vinifera

La vite comun o vida eoroaziàtega ła ze un arbusto ranpegante de ła fameja de łe Vitaceae.

Ła ghe ze in tuti i continenti, fora che in Antartide. In Europa ła ze cultivada inte le rejon sentrai e del Sud; in Asia inte le rejon ocidentałi e in Cina; in Africa inte le rejon setentrionai e in Sudafrica; inte el Nord de la Merica in Całifornia, Mèsego e inte le aree là arento ; inte la Merica del Sud in Ciłe, Argentina, Uruguay, e Brasil; in Oceania in Austrałia e Nova Zełanda.

Se denòmena vigna el teren piantà co viti se el ze racuanto estendesto se ghe ciama vignałe o vignedo. Ła persona che ła tien łe vigne, ła se ciama vignaroło.

                                     

1. Note storeghe

La aparision de la vite su la tera la pol eser datada intrà i 130 e i 200 miłioni de ani fa, poco pì poco manco in coincidensa co la diferensiasion dei mamiferi dai altri vertebradi. La storia dei raporti intrà la vite e el omo la revarda èpoche tanto in drio, probabilmente la fin del neołìtego, dopo de na fermentasion cazuałe de ùa tegnesta inte bidoi rudimentałi. I primi segni de cultivasion de la vite i ze stati catadi inte la rejon del Caucaso, in Armenia e inte el Turchestan. Inte la Zènezi Noè, pena vegnesto fora da lArca, el ga inpiantà un vignałe, el ghe ga bevesto el vin, el se ga inbriagà e el se ga meso a dormir nudo inte la so tenda Genesi 9, 20-1, a testimoniansa del fato che le tecneghe par far el vin le gheva da èser conoseste belche prima del diłuvio universałe. I primi rifarimenti stòreghi la vite e al vin i se połe catar intrà i Sumeri inte la Epopea de Gilgamesh III miłenio a.C. Testimonianse de la cultivasion de la vite łe se cata inte tanti zeroglifeghi Ejisiani, aonde che el vin el zera na bevanda riservada ai preti, ai alti funsionari e a i re.

I ze stai i Greghi a portar la vitivinicultura inte lEoropa, belche in època minòega. Esiodo, inte Le òpare e i dì, el descrive, co tanto de partegołari, i laòri de vendema de vinifegasion e tanti i ze i riferimenti ła vite e al vin anca inte Omero. Ai cołoni greghi se ghe atribuise la introdusion de la cultivasion de la vite in Siciłia e inte altre àree de lItàłia del Sud, aonde che ła cultivasion la ga catà condision climàdeghe e pedołòzeghe ideałi, al ponto da far meritar la rejon el nome de Enotria.

I Etruschi i ga perfesionà tanto le tècneghe de viticultura e i ga sviłupà na intensa atività de esportasion del vin, portàndoło ben pì in là del basin del Mediteràneo.

I Romani i ga perfesionà oncor de pì le tècneghe vitivinicołe inparade dai Etruschi, cofà inlustrà da difarenti òpare, inte le cuałi se ghe cata nosion de biołozia e tècneghe de cultivasion bone oncora al dì de uncó, par ezénpio el De Agri cultura de Marco Porcio Catone, la Rerum rusticarum de Marco Terenzio Varrone, le Georgeghe de Publio Virgiłio Marone e el De re rùstega de Lucio Giunio Moderato Cołumella. Inte sta ùltima òpara ghe ze documentada anca la conosensa de on gran patrimonio de cuałità de vite tanto da magnar fa da far vin.

Inte el III e IV secoło d.C. la crizi del inpero Roman la ga creà, pi che sia inte le canpagne, condision de instabiłità che le ga portà al declin de la viticultura. la època de la fin del Inpero Roman de Ocidente, la superfise cultivada co ła vite la fea rezistrar un cało forte, mantegnéndose par el pì inte łe aree arento a le sità e inte le coste.

Intrà el V el X secoło la conservasion del patrimonio vitivinicoło el ze par la gran parte òpara dei mònaghi: i Baziłiani e i Benedetini i ga dato na granda pendùa ła cultivasion de la vite inte la Eoropa portàndoła ai limiti estremi de latitùdene de altitùdene. De fianco de la viticultura "de ceza", se ga sviłupà, par el pì in Fransa, na viticultura "nobiłiar": intrà prìnsipi e feudatari la cultivasion de la vite e la produsion del vin i ze gnesti sinboi de prestijo.

fin a łe VII secoło la cultivasion de la vite la ga avesto na serta inportansa anca inte el Medio Oriente; in sèguito, colpa de la espansion de lìIslam, ła ze ndata contro na progresiva decadensa.

Intrà la fin del Baso Medioevo el Rinasimento el ze ripartio in Eoropa el sviłupo de la viticultura "borgheze": el sviłupo demogràfego, la consentrasion de la zente inte le sità le aumentade disponibiłità econòmeghe de artezani e comercianti i ga portà a grosi investimenti inte la viticultura, che ła ze tornada a èsar convegnente in tèrmani de schei. Inte el Rinasimento se ga vedesto anca el sviłupo de na granda letaratura dedicada la vite che la favorise un novo conportamento sientifego, a łe cuałe se ghe atribuise, intrà laltro, la nàsita de la moderna anpełografia, baze fondamentałe del futuro progreso de la viticultura. Anca inte le arte figurative se ghe cata tante riprodusion de la vite e dei so fruti.

Co la descoverta de ła Merica la Vitis vinifera vinifera, o sia cueła che ghe zera in Eoropa, ła ze stata portada inte el Novo Continente, prima in Mèsego e dopo, gràsie ai conquistadores, anca inte ła Merica del Sud.

Inte el XIX secoło el oidio, la peronospora e ła fiłosera, malatie de la vite vegneste da ła Merica, le ga devastà gran cuantità de vignałi. Ai contadini ghe ga tocà a incalmar le cuałità de vite eoropee soraviveste su selvàdeghi sełesionadi da vite mericane, rezistenti a sti małani, e a dòparar regołarmente medezine cofà el solfer solfato. senpre de cuei ani se ga scominsià a cultivar cuałità ìbride cofà ła ùa Mericana, ła Grinto, ła Grinton, la Bacò, ła York.

Inte la seconda metà del XX secoło se ga asistio ał pasajo da na viticultura fondada su la tradision e sul "su par zo" na viticultura moderna bazada su tente e studiae conosense sientìfeghe inte i setori de la microbiołozia, de la chìmega de la anpełografia. Sto prosedimento el ghe ze stà anca par via dei canbiamenti econòmeghi, culturałi e dei modełi de vita e ałimentasion de grande parti de la popołasion, che i ga portà na modifegasion de ła domanda, senpre pì orientada verso prodoti de cuałità.

                                     

2. Descrision

La vite ła ze na pianta arbòrea ranpegante che par crésare la se taca a sostegni co i pironeti; se ła pianta no la vien sarpida bruscada ła połe rivar a grande altese tacàndose inte łe àlbare; ła ze dotada de on aparato de raize ben sviłupà, che el pol pasar via i 10m de longhesa. La parte legnoza ła ze dividesta inte la soca un paro de sentìmetri sora el teren, inte le fusto, e inte i cau, che łe ze łe ramete de un do ani. Le foje, nervade a palme, łe ze alternade de so posta łe ze fate de sincue parte pì o manco destacade co na forma de cor la base. Ste parti łe ze un ełemento inportante par riconoser la cuałità de la vit.

I fior i ze cei, de cołor verdastro e binadi in infioresense a rejota. La vite selvàdega ła ze diòega o sia co fior unisesuai portadi da piante diverse, le cuałità cultivade łe ze state sełesionade par er fior ermafroditi. I fior i ga el ca łeze e la coroła de 5 toch. el ca łeze, dopo de la fecondasion, el pol restar inte el fruto e così el fa un anel dintorn del manech de ogni fruto. I petai de la coroła i ze tacadi inte la sima. Ogni fior el ga inte 4 ovi. I stami i ze 5 alternadi a i netari. I fruti i ze pomełe garnei de forma e cołor difarenti: bianchi, załi, vioła o negri, binadi in rejote. I ga na scorsa grosa e pruinoza, na polpa de sèłułe piene de sugo da łe cuałe se ricava el mosto.

                                     

3. Cultivasion

La pianta de la vite la se adata in zènare a anbienti co condision climàdeghe de teren tanto difarenti, ma de sołito, pi che sia par la produsion de vin, ghenè limitasion. Le zone de cultivasion le ga da èsar intrà el 30° e el 50° grado de latitudine nord e sud, e na altesa de 0-1000m slm. sirca. La tenperatura no la ga da èser pì basa de -15 °C. I tereni i pol èser de tipi diferenti da creta a jara. La vite la se adata anca a tereni magri e la soporta presense mèdio-alte de calcare. La mejo espozision ła ze a sud, pì che sia inte i coi. La pianta de la vite la ga un siclo biołòzego vita de ła durada de circa 40 ani ma ła pol pasar via i 100; par i primi 3 ani la pianta no la rende, el mejo periodo par la produsion de ùa da vin el va dal cuinto inte el vintisincuèzemo ano. No ze raro catar vite vece che łe fa oncora un bon prodoto. La vite la ga un siclo vezetativo anuałe dividesto in perìodi; ogni perìodo el ciapa el nome de "faze fenołòzega".

                                     

4. Dòpari

  • Graspa o Sgnapa
  • Asido tartàrego par dòpari agroałimentari
  • polpa de sarpe par la ałimentasion de łe bèstie
  • Produsion de derivadi da łe far vin
  • Ojo de sieso de ùa
  • Mosto
  • Produsion de vin
  • Produsion de ùa da magnar
  • Asè
  • Prodoti ałimentari
  • Produsion de altre bevande a baze de ua
  • Marmełate
  • Produsion de ùa seca
                                     

4.1. Dòpari Dòpari medizenałi

  • El vin de ùa bevesto co moderasion inte i pasti, el ga na asion diurètega, tònega, dizestiva e antianèmega
  • I granei cuasi fati i ga proprietà rinfrescante, disintosegante, diurètega, depurativa del sàngue, idratante, vitamìnega, enerzètega, contro la asidozi, stimołante par la dizestion e ła evacuasion.
  • La ùa madura pułìto magnada come fruta da mensa la gnen dòparada par la cura de ła ua o anpełoterapia par le persone che ga serti malani.
  • El mujo dei granełi de ùa filtrà el serve par dòparo esterno par curar pełe grinsoze e cofà maschera de bełesa
  • El decoto de foje dovene tolte su da majo a agosto, e secade al sol, le ga proprietà de sugar - su par via de ła presensa de tanino
  • El decoto de foje par dòparo esterno el serve par bagni, inpachi e lavaji
  • Le foje fresche par dòparo esterno łe ze curative de le malatie de la pełe

Resente el ze el izołamento de on fenoło conpòzito derivà da le scorse e da łe sies, el Resveratroło che el par ver in nadura propietà protetive e contro łe mufe inte el garneło.



                                     

5. Cuałità de ùa cultivade

Fin a scazi ła fin del otozento, intrà łe spece de vide, solche ła Vitis vinifera ła jera cultivada inte el vècio continente par ła produsion de ùa da vin e da toła. Inte lamèrica, prima de rivar i eoropei, ła jera provabilmente cultivada ła Vitis labrusca. Nonostante ła V. vinfera ła sìe spontanea in Eoropa, łe cuałitá de V. vinifera cultivae ancuó łe ze derevae da vide provegnenti dal mèdio oriente, el ze łá, de-fati, che ze scomisiada ła domestegasion de ła vida.

Ła cultivasion de ła vida ze antiga come lagricultura. I pòpołi de lantighità fenisi e greghi i ga ciapá łe vide cultivade in medo oriente e i łe ga introduzeste in Eoropa. Tante cuałitá cultivade dai greghi łe ze stae difondeste dai romani; el nome de calcheduna de ste cuà de-fati el poderia reciamar sta orìzene. Anca ła Serenisima ła ga seguramente introduzesto cuałitá de ùa da ła gresa, dato che ła domineva in cuei teritori forse racuante malvazie, come ła malvazia de candia. Połe anca èser che calche cuałitá la sie derivada da linsenbramento de vide orizinarie del mèdio oriente co vide eoropee selvàreghe. Co ła descuerta de la Amèrica łe cuałitá eoropee łe ze stae portae inte el novo continente. Tutavia, racuante spece eoropee no łe ze stae bone a soravìver inte lAmèrica. Ła razon no ła ze stada capia par tanto tenpo, finamenteché no ze sta capio che ła orìzane de ła morte bonoriva de łe vigne ła zera provocada dal Daktulosphaira vitifoliae, ciamà volgarmente "Fiłòsera" e introduzesto in Eoropa par via dei scanbi intrà łe spece Mericane e chełe Eoropee. Par conbàtar contro a sto inseto, se ga tacà incalmar łe vigne eoropee so cuałità derivae dal novo continente, in cuanto rezistenti al batero, a łe małatie mericane, al fredo e pì lonzeve.

In bona sostansa, inte lEoropa ze nadiva na soła spece de vide, ła V. vinifera e ła ga vesto na inportansa agronòmega gramda da co eziste ła agricultura. Inte łe Mèrighe invese, ze nadive tante spece de vide, ma nisuna la ga vesto inportansa par łe cultivasion fin el rivo dei eoropei. Anca col rivo dei còłoni, no łe ze sta mese in cultivasion łe vide mericane, i eoropei i ga preferesto cultivar ła sòłita V. vinifera introduzesta dal vècio continente. Ła cuałità Norton ła ze un cazo de ibridasion spontànea intrà vide eoropea e na vide americana V. cinerea, ła dà na ùa de na serta cuałità ze provabilmente una de łe pì vècie cuałità de ibrido a èsar cultivade.

El intarese par łe vide amèricane el nase co Thomas Munson 1843-1913. che el ga catałogà stra tante spece e el ga creà altretante ibridasion. Anca se eło el ga łavorà soratuto so ła cuałità par far ùa da vin, łe so cuałità pì apresae łe ze stae i potainesti doparai inte lEoropa par far fronte ła fiłòsera.

Łe ibridasion de Munson łe ze stae doparae in amèrica par far nove ibridasion, Elmer Sweenson 1913-2004 par ezénpio el ga doperà tanto łe cuałità de Munson.

Munson el ga tentà ła ibradasion intrà do subzènari de Vitis, el grupo Euvitis, al cuało ghe fa parte ła V. vinifera e ła major parte de chełe altre spece e ła Muscandina, ła cuała ghe fa parte poche spece cofà ła V. rotundifołia V. munsoniana. Sto incrozo el ze bastansa difìsiłe da far par el difarente nùmaro de cromosomi, 2n=38 in Euvitis, 2n=40 in Muscandina. Munson el se ghea iłudesto de vèrgheła fata, ma poco dopo el se ga incorzesto che łe so ibridasion łe zera inte ła realtà autoinpołinasion de V. rotundifołia. El primo a fàrgheła inte lintento,el ze sta Peter Wylie, che el ghea incrozà na V. vinifera co na V. rotundifołia. Ancuó ła V. rotundifołia ła dà grando intarese par łe so rezistense a łe prinsipałi małatie.

Inte lEoropa ga łavorà al scominsiar del sècoło 1800, i fransezi, cofà Albert Sibel 1844-1936, che el ga otegnesto un nùmaro smezurà de cuałità, doparae un mùcio dai ibridadori dopo de eło, Pierre Marie Alexis Millardet 1838-1902, Francois Baco 1865-1947 e so fioło Maurice Baco, Georges Couders, Eugene cuhlmann 1858-1932, Jean Louis Vidal, Victor Ganzin, Jean Fancois Ravat, Bertiłe Seyve e Joannes Seyve 1900-1966, che i so rezultai mejori i ze stai chełi otegnesti co Victor Villard. Dopo, in Fransa, ła ze sta sbandonà sta strada, mentre i ga continuà a łavoràrghe i todeschi inte łe stasion de Friburgo e Geisenheim e i Ongarezi.

Inte i ùltemi ani ze sta doparà anca vide de provegnensa aziàtega par far ibridasion, ła Vitis amurensis. Ła idea ła ze nasesta da loservasion che el rivar de ła peronospora in Azia, ła colpia solché ła V. vinifera e no łe vide selvàdeghe del posto. inte el 1936 i rusi Potapennco e Zacharova, i ghea incrozà na V. vinifera co pòłine de na V. amuriensis otegnendo racuanti de łe vide che se dòpara uncó inte ła Eoropa osidentałe, cofà ła Zarya severa, Zilga, Severny e Rondo.



                                     

5.1. Cuałità de ùa cultivade Lista de łe cuałità de ùa da vin

V. vinifera:

  • Raboxo Piave;

PIWI ibridasion produtori direti:

  • Cabernet carbon;
  • Villard noir;
  • Chambourcin;
  • Cabernet cortis;
  • Clinton V.riparia x V. labrusca;
  • Nero;
  • Bianca;
  • Villard blanc;
  • Rondo;
  • Foch;
  • Solaris;
  • Noah;
  • Isabela V. labrusca x V. vinifera;
  • Regent;
  • Bacò V. riparia x V. vinifera;
  • Concord;
  • Pinotin;
  • Seyval;
  • Norton;
                                     

5.2. Cuałità de ùa cultivade Cualità de ùa da magnar

V. vinifera Vinifera:Italia; Lugliatica; Moscato; Rejina; vinifera x lambrusca V. vinifera lambrusca:Fraga; Isabela; Mericana; Mericana bonoriva; Mericana bianca; Mericana bianca bonoriva;

                                     
  • uva ła xe el fruto de ła Vitis vinifera ciamada comunemente vigna, vegna o vida, e de altre spece o ibridasion del zènaro Vitis Ła se prexenta soto forma
  • I vignai europei i ze stati inpiantadi co diverse qualità de Vitis vinifera vinifera ma, su el fenir del XIX secolo quasi tute le sort le ze state
  • domestica Borkh. Pomaro Olea europaea L. Ulivaro Pyrus Peraro Prunus persica L. Batsch Persegaro Prunus domestica L. Amołaro Vitis vinifera L. Vigna
  • deverse speçie de vide ameregane ma in prevałensa Vitis rupestris, mentre tra łe qałitá de V. vinifera ga contribuest soratut vide locałi come l Aramon

Anche gli utenti hanno cercato:

...